Bizkaitarrak gehienak

                Aurten 55 artisau bilduko dira Areatzako karpan. Iaz baino bi gehiago dira, eta horietako asko berriak dira. Antolatzaileek gogorarazi dute “gauden lekua maite dugu ezin genuen leku hoberik izan. Artisauek leku duina izango dute eta jendeak artisautzaz gozatzeko aukera izango du eguraldi txarrak izanez gero ".

        Ekoizleen artean, bizkaitarren presentzia oso nabarmena da, bertaratutako guztien artean % 55 Bizkaikoak dira, eta horietako asko hirikoak, % 29a, hain zuzen ere. “Horrek aukera ematen du Bizkaiko sektorearentzat oro har eta Bilbokoarentzat duen garrantzia egiaztatzeko, hau da, tokiko ekonomia zirkularraren motoreak dira”, laburbildu dute antolatzaileek. Dena den, horrek ez du esan nahi Bizkaiatik at ez direla etorriko.

        Datuei dagokienez, Bizkaiko 30 artisau izango dira, eta horietako 16k lurraldeko hiriburuan dute tailerra. Gipuzkoak 4 profesional izango ditu eta hiru Arabakoak. Gure mugatik kanpo, Gaztela Mantxa, Gaztela Leon, Kantabria, Asturias, Galizia, Murtzia, Madril, Katalunia, Valentzia, Extremadura, Andaluzia edo Balear Uharteetako artisauak ere hurbilduko dira.

        Sektoreka, aurten ehungintza izango da gremio nagusia 8 profesionalekin, atzetik datoz bitxigintza, larrugintza eta zeramika, bakoitzak sei artisau izango ditu. Hurbil daude zurgintzan aritzen diren artisauak, 5 ordezkarikin. Bestalde, kosmetikan eta imitaziozko bitxigintzan aritzen direnak, edizio honetan, zortzi izango dira. Beira beti egon da Gabonarten, aurten ere bai; izan ere, beirazko hiru artisau egongo dira. Jostailugintzazko bi profesional egongo dira. Multzoa argizarigile bik osatuko dute eta beste hainbeste koadernaketarekin lotuta daudenak. Oinetakoen, ilustrazioaren, kalabazen, makramearen, eskulturaren, birziklapenaren eta lore lehorren ordezkariak ahaztu gabe.

        Guztion artean, Areatzako Kaia artisautzaren hiria bilakatuko da, eta bilbotarrentzat zein bisitarientzat ezinbesteko topaketa izango da, garai zail hauetan tokiko kontsumoaren inguruko elkartasunak eta kontzientziak beste dimentsio bat hartzen baitute.